Psa 142 | DED | STEP | Masiki uba modacma heibesonga. Dawidingo hoc singau tacma numuyegec yofi heiec. Ni ubana miacma KEBU kpacba yeng neac ubea manganeudeac ubana miacma numubade.

Psalms 142

Nukporac anenggec

Masiki uba modacma heibesonga. Dawidingo hoc singau tacma numuyegec yofi heiec.

1 Ni ubana miacmaKEBU kpacba yeng neac ubea manganeudeac ubana miacma numubade. 2 Ni ebicyoacna hafoangoc yeac kicfu kpakema kpendzennaac yoacsiduc yeac kicfu deficgebade.

3 Asuna ukuba kpeu geng haniana bic negennade. Ni sing kenganduae, imohai ngic yeneng menugecdeac botac faima sufuma takecdae. 4 Ni kicna foinaugeng fima hemba mongngo ni mi nengsiude. Nga ni sufu sufuama hofocba kpac anu ngic mongngo nenggareng mi anenude.

5 OKEBU, ni kpacguma deba, “Ge sufu sufuamana nga ge gbori kekec bangecnginau neac wiac angkecnec. 6 Ni memeficac obohoyombonggema kecma kiacduaeac kiacna negemma ngic nukporac anengandae, yenearunac yungecnuna. Yeni serima feracnudae. 7 Ge yungecnuma ebicnaac witicamaunac wangecnubesena. Ge ifi anna ni geac kpac kuneng heiwayong memima ubangerecyoac debade. Ge gombunga anengannecac amma ngicngac dindingac yeneng hama oronnugecde.”